意外收獲!!

食完元氣,上去NAMCO,咦,見到有好多公仔都好得意BOR!!好啦,換錢錢啦!!經過見到,咦...車軚狗喎...好得意BOR!!@@好似好難夾咁BOR!不過都試下先!!哇.....夾到呀夾到呀!咦咦!唔好跌呀唔好跌呀!!@@化!!真係中左啦YEAH!!就係咁呢隻狗仔就跟我返屋企啦!!估唔到諗住夾佢唔到,居然...跟我返屋企!!呵呵!!好happy!!!一夾就中啦!!@@八個幣咋!!超happy!!之後想試下夾埋另外個隻!!oh!!無緣!!算吧!!^^呢隻最得意呵呵!!出面有得買,但係要百幾蚊呀!!依家唔洗!!呵呵!!開心死呀!!(又多隻公仔,堆下堆下....山泥都就快要傾瀉啦~.~")

2007年7月產品預告

哇哇哇,唔好講笑,7月有愛麗絲系列既ts!!@@一定會買啦咁特別!!!好想快d買到佢地呀!!!

KIKILALA情報20070428

今日放左工去行街,去左太古城行,UNY轉左變左做APITA!!行經精品區,咦?!!TS....袋....!哇哇哇!!呢個我無喎,好快手咁,即刻拎起,去俾錢!!呢個袋雖然唔係今年既野,係04年既,但係好LIKE呀!!HEHE!!

之後,又行左去吉之島,咦....!!點解既?!!點解會有呀??又好開心咁買左!!得兩個款俾我揀!!@@係一藍同白,一係粉紅同白!!@@咁...唯有買兩套啦!!仲有 S, M, L SIZE分!!^^

跟手又搭車去銅鑼灣啦,食完壽司,梗係又上一上NAMCO啦!!@@咦咦!!扭蛋...@@好似之前咪出過囉,又再望真D,咦...原來係唔同架,扭呀扭,扭呀扭,終於齊晒!!(信和好似有得買,但係個時我以為係一樣,所以無留意)!!不過....!!搭車返屋企途中.....睇下張蛋紙啦,咦...乜咁既...同以前個D蛋紙唔同既??!!原來呢套蛋係香港出既BANDAI扭蛋!!咁唔係老翻都放心D!!!你知啦,依家D老翻好鬼狼,咩都翻,就連依家幾蚊既扭蛋玩具都唔放過架麻!!

TS 情報

前日收到豐明既信,@@終於有得拎TS焗爐啦,襯今日(27/04)約朋友食飯,就順便去拎埋!!
食完飯!!又去行下啦!!TS4月既景品公仔有得買啦!!梗係即時買左啦!!^^(TS山...將會又再高一層了)

KIKILALA 07年5月扭蛋情報

今個月會出ts扭蛋機既扭蛋呀!!大家記住留意呀!!有部私家ts扭蛋機哈哈!!!唔知出面幾時有呢,我諗都應該係5月尾6月頭啦(個人希望)!!!

新買的貓貓精品

非常可愛!!呵呵!!

TS 珍藏品一

呢舊水晶真係好靚呀!!真係要多謝小紅帽幫我買到HEHE!!^^非常感激!!呢個係台灣SOGO既贈品!!非賣品黎架!!^^

呢個都係小紅帽幫我搵到既!!係台灣便利店既禮物!!^^佢地好CUTE!!

TS 信用卡篇之第一頁

TS FANS當然會喜歡呢張信用卡啦!!^^ 之前專登去搵邊到有得申請,點知次次都無喎!!放棄,見到先申請啦!!點知有日行過見到有豐明擺檔(唔話你地知邊區呵呵,絕對唔係旺角)!!哈!!咁就申請啦!!我就拎左MEMO PAD!!之後男友申請,交齊晒資料,拎左個水壺返黎!!隔幾星期!!我阿媽又拎左隻杯俾我!!無耐,豐明又寄封信黎俾我男友,@@又多個水壺!!

今日(25/04)終於去豐明到拎水壺!!咦!?咁奇怪既,同之前即場拎個份唔同既!!返黎睇下啦!!@@只係個盒唔同左咋哈哈!!個水壺係一樣既!!右邊就係上次拎既,左邊係今日係豐明拎既!!@@紙盒都厚身D!!哈哈!

2007.04.24 買的littletwinstars

有新野有新野!!!個袋好靚!!d顏色好pink!!d雲仲有樣係到架,好好笑!!又買左張新出既貼紙,仲有一個香港出既索袋(我諗可以裝到手提電話既)!!!^^

手上熊公仔介紹一

無錯,呢D又係我係日本個陣既戰利品(不過其中有某D都係投返黎先齊)!!就係夾到佢地,所以就流血啦!!!@@當中有D係未齊既,@@我當然係會努力努力啦,如果搵到既話哈哈!!

手上熊介紹三

@@擒日(21/04)行經太子既OK便利店!!居然俾我見到有佢地既扭蛋!!當然梗係要扭下啦!!扭完發現其實都幾貴!!因為通常 200YEN既蛋都係十蚊扭一次!! 居然要15蚊!!所以扭左兩次...我就收手了,平時...既我...當然,係扭到齊一套為止啦!!我諗過多幾日可能周街都有都唔定,所以都係睇定D先,暫時有兩隻都好過無丫!!HEHE!!!!!!!!!

手上熊介紹二

呢對野,我係日本投返來!!!但係後來發現原來香港...潮流特區居然有得買!!~.~唉....!!

拎住方糖既佢地,係咪好得意呢呵呵,呢SET野我都係日本投返黎!!香港暫時未見有得買!!

CUSHION!!我係潮流特區買架!!^^好可愛呀佢地!!!

動物之森精品介紹二

動物之森地球!!好得意既玩具!!@@香港其實係有得買,但係唔知點解總係信唔過個間野個條友!!結果,去日本旅行個陣,問個到既店員,佢答我一大盒(9小盒)係可以砌到一個球體咁既,所以就買左返黎!!!^^當然係日本買係平過香港啦!!百幾蚊同二百幾之差.....!!都叫係好彩係日本買到!!^^砌佢地個陣都幾複雜下!!不過都砌到哈哈!!砌完出黎,真係好得意!!

動物之森精品介紹一

呢一套,就係我第一套扭既動物之森扭蛋!!有隻魔鬼唔知做咩走黎話我知尖沙咀有個地方有得扭喎!咁就即刻約埋一齊扭爆人地部機啦!!哈哈!!

呢套,係我係日本玩個陣扭既,個到有好多部動物之森扭蛋機,當然仲有其他動物之森既扭蛋,例如電話繩個d,但係我無扭呀!!電話繩無咩用丫麻,所以淨係去扭呢款!^^香港無得買架!!(點解香港唔入貨呢唉....!!!)

呢套野....居然會係香港買到!!唔知點解,其實呢套係PART2黎架,PART1都有得買,但係剩返貓媽媽同貓女個SET, 結他狗個SET!!~.~其他居然係賣晒!!想齊都唔得!!唔打緊,我會盡力搵,呵呵!!買到就UPDATE俾大家睇下!!

貓貓禮物

又要介紹一下呢位小朋友!!佢係一隻公仔,但係唔係普通公仔咁簡單!!佢係曉點頭既公仔黎架!!@@呵呵!!禁個PUSH制,佢就不停點頭,要再禁一次PUSH制先會停!!呵呵!!呢隻野係本小姐既情人節禮物黎架!!哈哈!!係咪好ENVY呢!!

Sugar Bunnies扭蛋

呵呵,呢套扭蛋勁呀!!@@有咩咁勁?總之係勁勁勁啦!! 其實係因為呢套野唔似其他扭蛋淨係公仔咁簡單!!係文具扭蛋黎架!!有三卷唔同樣既膠紙,藍色個樽係夾仔黎架,粉紅色個樽就係擦膠,而綠色個樽就係小貼紙(有四十張架裡面)!!初時扭唔齊架,好彩得嘉兒咋,佢有朱古力冬甩膠紙可以讓俾我!!^^就係咁樣齊晒!!亦都麻煩ALEX哥哥仔拎出黎俾我!!^^THXTHX!!
PS: 若果TS都有呢SET正野既話,我一定爆佢機!!呵呵!!!(即係扭到部機無鬼晒咁解)

Sugar Bunnies

SANRIO真係吸我唔少血呀!!出咁多可愛既公仔!!

Masyumaro

マシュマロ
又一隻可愛到死既公仔Masyumaro!!!間中都會俾佢可愛既產品吸走我D血!!哈哈!!

Animal Crossing

おいでよ どうぶつの森

呢隻好搞笑既game!!雖然好耐無玩,但係諗返起玩呢隻game個陣,真係好搞笑!!幾條友仔約出黎連線!!點解約出黎連線!!呵呵,就只有四個人會知啦呵呵!!唔講出黎俾你地笑!!

呢個game仲出左好多精品,仲出左劇場版添!!唔知wii第日會唔會都出呢隻game呢?如果出既話,一定要買黎玩,^^!!超得意!!
係日本真係好多佢地既野買!!仲有d公仔都幾貴喎!!!我就只係買左佢地既file,電話繩!!

呢隻公仔係咪好得意呢,係組長係日本玩個陣夾返黎架,變左做我既手信哈哈!!好難得先有架,我係日本都夾唔到呀!!同埋香港無鋪頭會入貨,所以變得好矜貴架!!^^再多謝組長一次先!!呢隻公仔仲另到有d人 "Envy"!!哈哈!!

又一收藏品-san-x ruu & suu

有一次, 係日本拍賣網到,發現到呢對公仔, 當時我覺得呢對公仔好可愛, 但係香港唔見有得買!!某一天,我發現係san-x既網頁到,發現到佢地!!非常開心!!結果,去日本玩個時,又多一個尋找目標!!!ruu&suu!!^^亦都俾我買到佢地既精品!!依家都係主要收藏佢地既公仔!!  (喂....小姐.....你會唔會太多公仔了???

可愛的TENORIKUMA

SANRIO 2005年出既新公仔 TENORIKUMA好可愛, 本來都只係間中買下佢地既筆,直至去日本俾我夾到佢地既公仔!!依家對佢地真係愛不惜手!!佢地既景品公仔真係好可愛架!!又變成我既收藏品之一!!

每人都有一座山

每個人都有一座山,唔知你地既係咩山,而身為twinstars fans,就梗係有一座ts山!!!原來一次過拎晒d公仔出黎影相都幾吃力,又要拆膠袋又要排位又要影相再封印!!影完既感覺係,我個頭好暈!!哈哈!!